ТЫНБАЙ ялем

Описание

Тынбай ялем Толам автобус дене ялыш Да курык гоч ончен волем Шонем, могай вара сӧрале верыш Ах, мыйым шӱм-чонем конден. Чодыра лӱжген лӱнга ик велым, Вес велым курык-влак шогат. Шонен, шонен чыла мый тидым Возем, ялем тылат. Ялем, кузе тынаре сылнын Эре мылам омеш кончет. Кенежым, телым але шыжым Шерем ок тем, тыйым ончен. Шийла йогалше памашетше Эм вӱдым мыланна йӱкта. Аван гай шокшо помышетше! Кундем мучкат лӱмет йонга. А калыкше могай пашаче Ок чакне лӱдын нимо деч. Полшен илат пошкудо-шамыч Кугу, йомартле поро еш. Возем тылат чон почын мурым Але шомакым каласем Шӱмем гыч лекше сылнымутым Тылат, Тынбай мый пӧлеклем. Андреева Н.И. дата создания группы: 01.04.2009г.